Máŋgenbargu ránus
Oassin Bååstede prošeavttas, ruovttoluottafievrrideapmi sámi kulturárvvuin, lea Davvi Álbmogiid Guovddáš álgán máŋget ovtta dain rátnuin mii lea oassin prošeavttas.
Duogaš das lea ahte muhtin dain dávviriin mat leat oassin Bååstede prošeavttas, galggašii čájehuvvot sámi museain ja maiddái Norgga Álbmotmuseas, ja de lea čoavddus ahte muhtin dávvirat šaddet máŋgejuvvon.
DÁG vuođul de lea rátnu oassi dan prošeavttas, dávvirnummár NFSA 3655, mii lea gođđojuvvon 1958s Nils Oppervollas gii lei Olmmáivákkis eret.
Ulbmil dainna máŋgemiin lea maiddái suodjalit ja nannet árbevirolaš sámi produkšuvdnaproseassaid (immateriella kultuvraárvu) sámi perspektiivas, ávnnasis gárvvis buktagii.
Máŋgenprošeakta lea maiddái gelbbolašvuođasirdinprošeakta, gos dahkkojuvvo nanu dokumentašuvdna dan proseassas, dasa lassin ávnnasmáhttu. Dat galggá leat vejolaš geavahit dan máŋgenbargu maŋŋelaš gaskkusteamis.
Prošeakta čađahuvvo ovttasbargguin Olmmáivákki Duodjejoavkkuin, gos miellahttuin lea buoremus gelbbolašvuohta sámi rátnugođđin ektui. Kjellaug Isaksenis lea ovttasvástádus dan práktihkalaš čađaheami ja dokumentašuvnna ovttas. Prošeaktaoaivi lea Henrik Olsen.