Buošši-bálkkašupmi 2026
Davvi Álbmogiid Guovddáš ja Riddu Riđđi Festivála leat dán jagi, nu govt eará jagiid, juolludan kulturbálkkašumi nammasaččan Buošši-bálkkašupmi, mii gudnejahtta olbmo, joavkku dahje searvvi mat leat lokten ja seailluhan mearrasámi giela ja kultuvra - čađa bargguid, áŋgirruššama, dahje dego ovdagovvan báikkalaš servodagas.
Davvi-Romssas lea Buošši okta gii lea áŋgir, bargganis ja duostilis olmmoš.
Buošši-bálkkašupmi fátmmasta olles Davvi-Romssa, ja midjiide lávdegottis, mas leat stivrrajođiheaddji Riddus Bente Skogvang, Davvi Álbmogiid Guovddáža stivrrajođiheaddji Torjer Olsen, Festiválajođiheaddji Sajje Solbakk ja beaivválašjođiheaddji Davvi Álbmogiid Guovddážis Svein O. Leiros, lei dán jágaš vuoittiid válljen álki.
Beaivválašjođiheaddji Davvi Álbmogiid Guovddážis, Svein O. Leiros, lea rámis go beassa juolludit dan beakkanis kulturbálkkašumi vel viđát geardde:
"Mii leat ožžon máŋga buriid evttohusat dán jagi, muhto lea hui somá go juolluduvvo Livai ja Øyvindii. Soai leaba barggan mealgadis buori barggu mearrasámi kultuvrra ovddas, ja leaba árvvolaš vuoitit." lohka Leiros.
Govas: Øyvind ja Liv Rundberg. Govven: Svein O. Leiros
Duorastaga 9. beaivvi suoidnemánus juolluduvvoi Buošši-bálkkašupmi Liv ja Øyvind Rundbergai. Soai leaba dehálaš olbmot go lea sáhka mearrasámi kultuvra birra, go soai leaba guovdilis kulturseailluheaddjit Gáivuonas ja Sámis. Dego organista, gaskkusteaddji sámi sálbmaid ja lávluntrádišuvnnat, čađa báikkalaš sámi historjjá muitaleami, luondduipmardusa, vuona ipmardusa ja árbevirolaš dieđuid bokte.
Soai eaba leat dušše čalmmustahttan sámi kultuvrra, soai leaba eallán dan ja guoddán dan viidáset boahte bulvii. Soai leaba buorit ovdagovat go lea sáhka Buošši birra práksisa: Go soai leaba áŋgirat, čeahppi, rámis ja nana das maid gaskkustit.