Guovddáža ásaheami historjá

1988:s háliidedje sámi organisašuvnnat hukset sámi kultuvrii deaivvadanbáikki. Digaštallamiid maŋŋá iešguđet aktevrraiguin, de sohppojuvvui ovddidit Olmmáivákki searvevuođahálla Sámi guovddážin danne go eanas aktevrrain guovllus leat sámi ruohttasat.

Plánat ovdánedje viidáseappot ulbmillaš prošeaktan: ásahit našunála sámi gelbbolašvuođaguovddáža namain Ája Samisk Senter BAJahkečoahkkinmearrádusaid bokte 1993:s ja 1994:s sirde buot oasseeaiggádat ossosiid ođđa guovddážii. Seammás čađahuvvui ovttadatviiddideapmi, gos joavkkut ja searvvit, gielddat ja eará guoskevaš aktevrrat bovdejuvvojedje oastit ossosiid.

Guovddáža stuorra viiddideapmi gárvánii 1995:s. Ođđa visti fálai heivvolaš sajiid earret eará NRK Sámi Radio, Ája Samisk Senter administrašuvdnii, gievkkanossodahkki, Riddu Riđđui, Davvi-Romssa Musea ja Sámi giellaguovddážii.

Ovddideamis lei goluid rámma 4,7 miljovnna ruvnno, ja dat ruhtaduvvui ruđaiguin Romssa fylhkkasuohkan, Sámediggi, Kulturdepartemeanta, Gáivuona suohkan ja loana mii gokčá 50% goluid.

Stuorideapmi 2005:s ja 2009:s

Ája sámi guovddáža viidáset oasseviiddideapmi gárvánii 2005:s ja attii ođđa ja stuorát lanjaid Sámi giellaguovddážii, guovllulaš sámi girjerádjobálvalussii, Sámediggái, Riddu Riđđu festiválii ja guovddáža hálddahussii. Guovddáža viiddideami 2005:s 14 miljovnna kruvnnain ruhtadedje Romssa fylkkagielda, Sámediggi, Gáivuona gielda ja Ája sámi guovddáš loanain 3,5 miljovnna ruvnno. Ruhtadeapmi árvvoštallojuvvui guovllulaš lasiheapmin ja lei jurddašuvvon gokčat akuhta dárbbuid mat vuordit olles stáhtalaš ruhtadeami ollislaš ovddideapmái.

Kulturdepartemeanta gohččui 2007:s Statsbygga viiddidit guovddáža 22 miljovnna kruvnnain vai oažžu lanjaid sámi museai, girjerádjosii ja unna boradanlanjaide olggobealde kulturviesu. Viiddideapmi gárvánii 2011:s ja dan rabai Riddu Riđđu áigge kulturministtar. Seammás rahppui maiddái ođđa Dálááiggi musea guovddážis, masa Sámediggeráđđi lea addán sámi museovddasvástádusa Davvi-Romsii, Mátta-Gaska-Romsii ja Romsii.

Našunála bargu 2009 rájis

Guovddáš rievdaduvvui 2009:s mearrasámi guovddážis (Ája sámi guovddáš) davvi olbmuid guovddážin. Guovddážis lea ain nationála sámi miššuvdna; ovddidit ja seailluhit mearrasámi giela ja kultuvrra. Dasa lassin addojuvvui guovddážii davvi eamiálbmotfokus. Riddu Riđđus lea 2000-logu álggu rájes leamaš jahkásaččat fokus davvi eamiálbmogiidda. Gosa okta álgoálbmot davvin lea bovdejuvvon ja ovdanbuktán álbmoga festiválas. Olbmot oahpásmahtte min iežaset musihkkii, dánsumii, rituálaide ja eará kultuvrralaš ovdanbuktimiidda moadde beaivvi festiválas. Dán fokusa bokte oidnui árrat ahte máhtolašvuođa gaskkusteapmi davvi álgoálbmogiid birra galggai nannejuvvot ja gaskkustuvvot olggobeallái jahkásaš festivála. Ája sámi guovddáš, mii lei Riddu Riđđu fysalaš rámma, oidnui dalle lunddolaš ásahussan mii galggai ja sáhtii joatkit dán.

Ođđasisstrukturerema maŋŋá guovddáš oaččui guovttelágan mišuvnna; veahkehit lasihit ipmárdusa eamiálbmogiid birra dan bokte ahte gaskkustit máhtu davvi eamiálbmogiid birra, ja nannet ja ovddidit mearrasámi giela, dáidaga ja kultuvrra.