Gaskaboddosaš čájáhus Guovžaluottat
Guovžaluottat lea čájáhus guovžžaid ja olbmuid birra Davvi-Romssas čađa 5000 jagi. Čájáhusa lea Davvi-Romssa musea ráhkadan ovttas Goržži mánáidgárddiin.
Guovža lea álohii geasuhan min olbmuid. Das lea leamaš ballu, muhto maiddái čiekŋalis árvvusatnin, ja dat lea dagahan lohkameahttun ollu muitalusaid ja myhtaid. Dán čájáhusas oaidnit govt guovža ja olmmoš leaba eallán bálddalagaid Davvi-Romssas 5000 jagi. Čájáhus lea juhkkojuvvon guovtti oassái, mas vuosttáš oassi lea Goržži Mánáidgárddi mánát ráhkadan. Sii leat ealáskahttán guovžža ollu iešguđetlágan daiddaid bokte. Mánát leat málen, sárgon ja govven guovžža, ja čájehan man erenoamáš dát guovža lea. Čájáhus rahppojuvvui guovvamánu 6. beaivvi 2024, seammás go vuođđočájáhus rahppojuvvui.
Čájáhusa nubbi oassi lea guovžža birra. Dás sáhtát lohkat guovžža birra sámi dološ oskkus, govt dat lea govviduvvon meavrresgáris. Guovžža oktavuohta gaskkal min máilmmi ja dan vuoiŋŋalaš máilmmi ovttasdoaibmama. Dás sáhtát maiddái lohkat guovžža báktegovaid birra ja govt mii olmmožin leat eallán bálddalagaid guovžžain. Dáppe beasat maid oahppat gos Teddybjørn lea eret. Muitalusat guovžža birra leat máŋggaláganat, muhto okta lea sihkkar, ja dat lea ahte guovža lea allaárvosaš ealli. Nu ahte jus lea čájáhus maid berret oaidnit, de lea dát. Dáppe beasat oahppat Lavdnju birra.
