Ođđa bistevaš čájáhus: De čalbmi ii olat guhkibuidda // 2024
Doppe – gáfat guhkkin – mannaba albmi ja áhki oktii. De čalbmi ii olat guhkibuidda. Muhto jurdagat ja áibbašeamit sattahállet ain guhkibuidda. Daid ii cakkas mihkkege, ii áhpi, iige albmi. – Bæivve-Algo, Anders Larsen, 1912.
Ná álgá čájáhus, ja namma lea vižžojuvvon Anders Larsena románas Bæivve-Algo, mii almmuhuvvui 1912. Čájáhus muitala buot mii fátmmasta min árbbi, maiddái buot maid čalbmi ii oainne. Dát guorahallá sámi luottaid Davvi-Romssa guovllus, ja čájeha ahte dat leat maiddái gávdnojit dan áiggis go mii eallit juste dál. Buot dát ja ollu eará muitaluvvo guhkkin ja lagaš historjjás. Kulturhistorjjálaš dávvirat – Bååstede – dávvirat guddet muitalusaid.
Vaikko odne dávvirat leat apmasat, de leat dat árbevirolaš hámiid, symbolaid ja čiŋaid guoddit. Sii sirdet jaskes viisodaga ja árbevirolaš dieđu, mii lea gávdnamis gielas, duojis, eallinvuogis ja vuoiŋŋalašvuođas. Historjá álgá buot dáin.
Govva: Ørjan Marakatt Bertelsen
Bargu ođđa bistevaš čájáhusain Davvi Álbmogiid Guovddážis álggahuvvui 2022, ja jotkkojuvvui 2023. Muhto teknihkalaš sivaid geažil mađiduvvui čájáhusa rahpan. Muhto 6. beaivve Guovvamánus 2024 de beasaimet viimmat rahpat čájáhusa. Das lea ođđasisgeavahuvvon muhton oasit ovddit čájáhusas Mii, ja das leat maid oasit min mearrasámi kultuvrras, ja Bååstede-dávvirat leat dehálaš ja guovddáš oassi čájáhusas.
Oassi duođaštanbarggus lea leamaš duođaštit ja konteavsttaid bidjat Bååstede-dávviriidda, ja oasážat leat oassin čájáhusa teavsttain. Kulturhistorjjálaš dávviriid čađa mii sáhttit guorrat sámi luottaid Davvi-Romssa guovllus, ja čájehit ahte dat lea maiddái gávdno dálá áiggis min birrasis.