Dál lea jaskodan maŋŋel dán jagi stuora dáhpáhus Davvi Álbmogiid Guovddážis, ja dán jagi Etegilde lea historjá.
Álggos mii guovddážis háliidit giitit buohkaid geat bohte dán jagi Etegilde ja lei mielde ráhkadit dán stuora deh
álaš ávvudeami minguin, din haga ii livččii leamaš Etegilde. Mii diehtit ahte máŋgasat illudit dán dáhpáhusii, gos mii beassat návddašit min earenoamáš kulturárbi gos buffeas leat dievva buori árbevirolaš biebmu. Soaitá mii váldit dan dego diehttelasvuohta ahte guossohit njálgga ár
bevirolaš biepmu min mearrasámi gievkánis, muhto dat ii leat diehttelasvuohta. Vai beasat dan nagodit dahkat, de ferte leat muhtin geas lea dehálaš máhttu, ja haga dan dehálaš máhtu maid Ann Kristin Hansenis lea, de ii livččii dat vejolaš. Lágidit Etegilde ja eará kultuvradáhpáhusat gáibida máhttu ja gelbbolašvuohta maid moattisin leat, ja dan dihte mis lea hui ollu lihkku ahte mis lea Ann Kristin min mearrasámi gievkánis čađa máŋggalot jági. Dat máhttu maid son lea huksen bajas dego gievkánhoavda lea áibbas dehálaš, earenoamážit jus geahččat dan čađa nanaguoddevaš kulturgaskkusteamis.
Dán kulturárvvu muittuha min geat mii leat. Muittut mánnávuođas ihtet ja čatnet min oktii ovtta identitehtagullevašvuhtii. Dá lea min kultuvra ja historjá.
Máŋggasat sin geat bajasšaddet dál eai leat soaitá nu hárjanan borrat sávzaoaivvi, varramárffiid, boahkkeguoli, buoidebuonjusa, boahkkebiergu, guohppármállasiid, guollegáhkuid, dorskenjuokčamiid ja gárpamullju. Dan dihte lea dakkar lágideamit hui dehálaččat vai mii sáhttit váldit várá ja joatkit min njálgga biebmuárbevieruid min mearrasámi guovlluin. Mii leat máiddái hui ilus das ahte min sátnejođiheaddji Bernt Erik Isaksen Lyngstad Gáivuonas oaidná dan árvvu ja dehálašvuođa das, ja dan
dihte bovde nuoraid gaskkal 18 ja 25 jagi nuvtta biepmufestii. Dat lea nie mii sáhttit joatkit bargat buori gaskkustemiid, ja dahkat min dološ biebmuárbevieruid oahpis boahtte buolvvai.
Mii háliidit dainna giitit buohkaid geat bohtet, ja giitit buot lihkkusáváldagaid ovddas. Eareonamažit mii háliidit giitit Espen, Even, Kevin ja Odd Isaksen buori guoimmuheami ovddas.
Mii illudit juo Etegildet 2025:ii.
Váimmolaš dearvuođat mis Davvi Albmogiid Guovddáš AS:s.
Svein O. Leiros
-Beaivválašjođiheaddji-