Dán jagi Buošši bálkkašupmi vuoiti / 2024
Duorastaga 11. beaivve suoidnemánus lei buošši bálkkašupmi juohkin Riddu Riđđu festivála oktavuođas dáppe Olmmáivággis Gáivuonas. Buošši bálkkašupmi juhkojuvvo olbmuide dahje serviide geat leat nagodan čalmmustahttit mearrasámi kultuvra ja giela. Dán jagi vuoiti lea aktiivalaš miellahttu Biertavári duodjejoavkus ja čohkká stivrras ROmssa regiovnna duodjejoavkus ja stivrras Romssa Sámi Searvis. Dán jagá vuoiti lea 47-jahkkasaš Hege Renate Nilsen.
(Govas gurut bealde olgešbeallai, Sajje Solbakk, Svein O. Leiros, Hege Renate Nilsen (buošši vuoiti), Bente Ovedie Skogvang, Camilla Brattland)
Dán jagi ledje máŋga nominašuvnna buošši bálkkašupmái, muhto lei dakkár maid mii dovddaimet ánssášeimmet. Dán jagáš buošši vuoiti lea máŋga jagi bargan duodjesearvvis Biertaváris, ja lea iežas áŋgiruššama bokte doalahan boares árbevieruid ja buktán ođđa eallima ja movtta mearrasámi dáiddaduoji ja hábmema oktavuhtii.
Lassin áŋgiris duojárii, de lea son máŋggaid jagiid juohkán dieđuid mearrasámi kultuvrra birra olgomáilmmis. Maŋimustá diibmá lei son USA:s, gos doalai máŋga gurssa sámi duojis kultursearvvi Pacific Sámi Searvi bokte Seattles.
Sii geat leat evttohan Hege, čilgejit su ovdagovvan báikkálaš servodagas, dakkárin gii álo lea ovddabealde earáid ja geas lea earenoamáš beroštupmi gáhttet ja gaskkustit mearrasámi kulturárbbi.
Maŋŋelaš dán jagi mátkkošta son maid norgalaš – amerihkkálaš museai Iowas, USA:s.
Vuolábealde leat muhtun govat dán jagáš Buošši bálkkašumi geigendilálašvuođas ja govat Buošši-bálkkašumi juryjas oktan vuoitin.
