Máhtut prošeakta
Dán vahkus lei mis vuosttaš čoahkkin Olmmáivákkis Máhtut prošeavtta ovttasbargoguimmiiguin.
DÁG galgá váikkuhit mearrasámi borramušárbevieruid dán rádjerasttideaddji prošektii, mas earret eará borramušmáhttu ja -sorjjasmeahttunvuohta lea fokusis.
Olmmáivákki čoagganeamis dán vahkus deattuhuvvui mearrasámi borramušmáhttu, ja resurssat mat báikkálaš servodagas leat.
Guossástallan Katarina Niva ja Dag Runar Voldvika luhtte Vatnegårdenis lei oassin prográmmas.
Sii barget sihke gusaiguin ja sávzzaiguin ja sis leat ollu eará eallit sin doalus, ja sii leat čeahpit gaskkustit báikkálaš borramušbuvttadeami.
MÁHTUT – Sámi máhttu ja práksisa ruoná nuppástuhttimis lea mihttomearrin ovddidit ja seailluhit árbevirolaš sámi eallinbirgengelbbolašvuohta, máhtu ja práksisa sámi servodagain iešguđet guovlluin Sámis. Lea golmmajagáš prošeakta maid Interreg Aurora Sápmi-prográmma ruhtada.
Prošeavtta váldoovttasbargoguoibmi lea Lappland Universitet (EU). Eará oasálaččat leat Sámi oahpahusguovddáš (Anár), Várdduo, Sámi dutkama guovddáš ( Ubmi universitehtas) ja Norgga árktalaš universitehtamusea (Romsa). Davvi Álbmogiid Guovddáš lea okta máŋgga sámi oasálaččas prošeavttas.
Govva: Galledeapmi Vatnegårdenis Olmmáivákkis.
Govven: Henrik Olsen
Loga eanet Máhtut-prošeavtta birra dás: mahtutproject.com