• Skip to main content
  • Skip to footer

Senter for nordlige folkSenter for nordlige folk

  • Samisk
    • English
    • Norsk (Norwegian Bokmål)
  • Ođđasat
  • Musea
  • Čájáhusat
  • Mii dáhpáhuvvá?
  • Láigohit lanjaid ja/dahje guossoheami
  • Guovddáža gávpi
  • Min birra
  • English
  • Norsk
  • Samisk

Åshild Birkeland

Dán jagáš Buošši-vuoitit leaba Ruth ja Per Larsen

14. July 2023 by Åshild Birkeland

Govven: Ørjan Marakatt Bertelsen

Nuppi jagi maŋŋálaga geigejuvvui Buošši-bálkkášupmi Riddu Riđđu Festivála rahpamis. Dán jagi oaččuiga Ruth ja Per Larsen bálkkašumi go leaba áŋgiruššan mearrasámi kulturhistorjjá goziheamis.

Davvi-Romssas “buošši” lea gudnenamahus muhtumiidda geat leat áŋgirat, barggánat, jálut ja duostilat. Leat buošši lea stuora komplemeanta, muhto dan ferte ánssášit. Eamiálbmotfestivála Riddu Riđđu ja Davviálbmogiid Guovddáš leat ovttas ásahan Buošši-bálkkašumi gudnin bargi ja duostilis olbmuide dahje servviide geat leat bidjan erenoamáš návccaid čalmmustahttit mearrasámi giela ja kultuvrra.

Árvvoštallangoddi oaččui máŋga nana nominašuvnna, muhto dán jagi bálkkašumi vuoitit ledje erenomáš buorit. Ruth ja Per Larsen leaba áŋgiris sápmelaččat geat máŋggaid jagiid leaba bargan mearrasámi kultuvrra, giela ja historjjá gáhttemiin. Soai ássaba Skárfvákkis – vuotnagilis Gáivuona suohkanis mas lea guhkes sámi historjá. Ovttas Skardalen Bygde- og Kulturlag:in leaba dát guovttos leamaš mielde seailluheamen mearrasámi kultuvrra ja birrasa gilážis.

Guossolas bálkkašumi vuoitit leaba vuostáiváldán lohkameahttun gussiid geat leat beassan oahpásmuvvat návehiin ja gođiiguin, vákkiin ja fiervvás. Ođasmahttojuvvon návehis lea bárra lágidan nu ahte doppe sáhttá viidáseappo fievrridit gili kulturhistorjjá. Doppe guossit besset áinnas návddašit mearrasámi biepmu ja gullat muitalusaid dahje sámi lávlagiid ja sálmmaid. Fiervvás leat máŋga ovddeštuvvon návsttet gos beassá oahpásmuvvat guollebivdiid eallimiin. Skárfvákkis leat máŋgačuođi sámi báikenama, maid Per ja Ruth leaba leamašan mielde duođašteamen ja galbemin.

Ruth ja Piera leaba áŋgirat gáhttet gili erenoamáš kultureanadaga. Soai leaba maid sihkkarastán dan, ahte árbevirolaš diehtu sirdašuvvá boahtte bulvii. Juohke geasi vuostáiváldiba soai nuoraid geain lea gullevašvuohta gillái, ja sii ohppet háset láju ja guohtuneatnamiid ja divodit visttiid.

Bárra lea maid mielde Gáivuona sámi lávlunjoavkkus, Ruth goarru Ivgugávttid buot bearrašmielláhttuid geat dan dárbbašit ja lea áŋgir Olmmáivákki duodjesearvvis ja Romssa Sámiid Duodje searvvis.

Loga eambbo Skárfvákki kultureanadaga ja bálkkašumi vuoitiid birra dás:

https://nordligefolk.no/sjosamene/naering-og-naturbruk-2/skardalen-kulturlandskap/om-skarfvaggi-skardalen/

Filed Under: Uncategorized @sa

DÁIDDA DOPPE GOS OLBMOT LEAT

21. June 2023 by Åshild Birkeland

Dakkár visti go Davvi Álbmogiid Guovddáš ánssáša čiŋá mii movttiida min gussiid. Min iežamet Ramona Salo lea ráhkadan erenomáš dáidaga mii lea heŋgejuvvon min kultursálii. Kultursálii čáhket olu olbmot ja dat geavahuvvo máŋggalágan oktavuođain.

Dás sáhtát lohkat mot Ramona čilge dáidagis:

Kultursála čikŋá lea ráhkaduvvon guhkit áigodagas gaskal 2021-2023. Dáidagis leat iešguđetlágan láiggit mat leat sihke gođđojuvvon, ja čuolbmaduvvon gođđosiidda. Duogáš lea ráhkaduvvon bázahusláiggiin. Buot lea gieđain čuolbmaduvvon. Dáidda lea ráhkaduvvon ruovttudahkkon muorra gođusrámmii, maid mu áhčči lea ráhkadan mihtuid mielde. Vuogi mot čanan tekstuvrra gávnnahin go vázzen dáiddaallaskuvllas, maid lean atnán ja buoridan dan rájes. Čatnánmálle ráhkada tekstuvrra mii sáhttá muittuhit suinniid, riesaldagaiguin ja šealgadis gártniin sáhttá čázi maid muittuhit. Gorži lea dán dáidaga vuolgga. Mis leat máŋga goržži Gáivuonas. Vuoksájohka lea mu inspireren, muhto dáidagis sáhttá oaidnit vaikko makkár goržži, mii kultursále seainni vulos golgá. Dáidaga namma lea Goržži.

Filed Under: Uncategorized @sa

OĐĐA DEADDILEAPMI GIRJELIHKOSTUMIS

12. June 2023 by Åshild Birkeland

Oallugat leat jearahan dán rámálmas girjji. Dál sáhttit illudit din go mii leat prenten ođđa deaddileami girjjis “Syv sorter – historier fra kjøkkenbenken” maid Reni Jasinski Wright lea čállán. Loga eambbo girjji birra dás.

[Read more…] about OĐĐA DEADDILEAPMI GIRJELIHKOSTUMIS

Filed Under: Uncategorized @sa

DÁVVIRAT DUISKKAS PROŠEAVTTA BIRRA

26. May 2023 by Åshild Birkeland

 

Govven: C. Baglo

DÁG, museaossodat, lea Dávvirat Duiskkas prošeavttas mielde. Bargu galgá addit ollesgova sámi dávviriin duiskka museain, čohkket viežžanhistorihka ja dávviriid birra dieđuid, ja maiddai alidit máhtu sihke duiskka kulturásahusain ja sámi museain.

Bargu álggahuvvui ovddeš kulturministtaris Trine Skei Grandes maŋŋel go sámedikkepresideanta Áili Keskitalo lei MEK guossis Berlinas 2019’s, geain lea stuora čoakkáldat sámi kulturdávviriin iežaset magasiinnain.

Boahttevaš viđa jagis galget sámi dávvirat duiskka čoakkáldagain kártejuvvot ja gaskkustuvvot Mihttu lea ahte duiskka museain aliduvvo máhttu ja áššedovdibálvalus, vai čoakkáldagat sáhttet buoret vugiin čájehuvvot gussiide. Seammás galget Norggá museat oažžut eambbo dieđuid makkár sámi dávvirat duiskka čoakkáldagain leat. Bargu galgá eareteará dahkat diehtojuohkima, sámi kultuvrra ja eallima gaskkusteami, čájáhusovttasbargguid, kopiijaráhkadeami dávviriin, čoakkálmasaid digitaliserema ja internášunála oláheami vejolažžan. Ulbmil lea oažžut eambbo ipmárdusa ja dieđuid sámi dávviriid ráhkadeami, vuolgga, anu ja mearkkašumi birra, sihke historjjalaččat ja dálááiggis. KUD lea láhčán ja ruhtadan prošeavtta, Sámediggi lea prošeaktaeaiggát, ja Sámi Museasearvvis lea prošeaktaovddasvástádus. Cathrine Baglo lea prošeavtta jođiheaddji.

Museaossodat DÁT lea oassseváldán prošeavtta digitála čoahkkimiin, ja prošeaktajođiheaddji Catrine Baglo lea sin guossis leamašan. Mii leimmet mielde prošeavtta vuosttaš mátkis duiskka museain 10 – 14.10.2022. Loga eambbo dan mátki birra.

Eambbo dieđuid prošeavtta birra gávnnat dás.

 

Filed Under: Uncategorized @sa

Buošši-bálkkašumi 2023

16. May 2023 by Åshild Birkeland

Buošši-bálkkašumi 2023

Riddu Riđđu ja Davviálbmogiid guovddáš juhket Buošši-bálkkašumi dán jagi Riddu Riđđus. Buošši-bálkkašupmi lea kulturbálkkašupmi mii addo olbmuide, joavkkuide dahje servviide geat leat dahkan positiivvalaš árjja čalmmustahttit mearrasámi kultuvrra ja giela; juogo daguideaset bokte dahje go leat ovdagovvan.  

Bálkkašumi juolludeaddjit bivdet dál álbmogis evttohusaid bálkkašumi vuostáiváldiide. Olbmos dahje olbmuin ferte leat čanasteapmi Davvi-Romsii: Gáivutnii, Omasvutnii, Ivgui, Ráisii, Návutnii dahje Gálsii. Davvi-Romssas sátni buošši ii čujut goappáge sohkabeallai, ja dat lea rámideaddji sátni mii govvida olbmo guhte lea árjjálaš, viššal, duostil ja balu haga.  

Evttohusa aktan ákkastemiin sáddet maŋemusat geassemánu 1.b. dása: buossi@riddu.no 

Sajje Solbakk, Riddu Riđđu festiválahoavda, lea rámis go sáhttá dál nuppádassii almmuhit mearrasámi bálkkašumi: Buorre dovdu lea beassat geiget Buošši-bálkkašumi! Mii dovdat ollu olbmuid geat ánssášivčče gutni iežaset áŋgiruššamiid geažil, go buktet oidnosii mearrasámi giela ja kultuvrra, ja erenoamáš dat leage olbmui go su iežas álbmot gudnejahttá. Mii čearggos mielaid vuorddašit olbmuin eavttuhusaid, ja doaivut ahte nominašuvdnii šaddet ollugat! 

Svein O. Leiros, guhte lea Davi álbmogiid guovddáža beaivválaš jođiheaddji, vuorddaša iluin vejolašvuođa gudnejahttit guovllu dehálašk kulturovddideaddji olbmuid: Stuorra ilolaš sáhka lea go mii dánge jagi sáhttit geiget buošši-bálkkašumi.  buktá rámi guvlomet mearrasámiide guđet leat searvan ovddidit mearrasámi identitehta, kultuvrra ja giela. Dat lea erenoamáš dehálaš ja vel ilolaš ášši. Davi álbmogiid guovddáža beaivválaš jođiheaddjin lean ilus go mis lea ođđa ovttasbargu Riddu Riđđu festiválain.  

Diibmá vuittii Gáivuona olmmáivákkit Bjørg Fossli mearrasámi gudnebálkkašumi.  Bálkkašeaddji joavku buvttii erenoamážit ovdan ahte Bjørg lei doaibman giellaovddideaddjin ja bargan viššalit iežas mearrasámi siidasuohkana ávkin. Bálkkašumi vuoiti dajaige ieš ná: “Maid ba gal olmmoš galggašii muđui dahkat? Siiddas čohkohallat gođđosiiguin?”. 

Filed Under: Uncategorized @sa

Gohččun genaralčoahkkimii 2023

4. May 2023 by Åshild Birkeland

Foto: Ørjan Bertelsen

Gohččun genaralčoahkkimii /  Innkalling til ordinær generalforsamling for DÁG 

Bovdet dákko bokte dábálaš generalčoahkkimii DÁG várás. Čoahkkin lea Davvi Álbmogiid Guovddážis Olmmáivákkis, Gáivuonas miessemánu 25.b.2023 bie. 11.30  

Det innkalles herved til ordinær generalforsamling for DÁG. Møtet vil finne sted den 25.05.2023 kl. 11.30 på selskapets lokaler i Manndalen, Kåfjord  

 Čuovvovaš áššit gieđahallojit:   

  1. Dohkkehit gohččuma ja fápmudusaid 
  2. Válljet čoahkkinjođiheaddji, beavdegirjjičálli ja -vuolláičálli 
  3. Dohkkehit jahkerehketdoalu 2022 
  4. Dohkkehit jahkedieđáhusa 2022 
  5. Sisaboahtti  áššit 
  6. Mearridit stivrra ja revisora buhtadasaid 
  7. Válga 

 Til behandling foreligger: 

  1.  Godkjenne innkalling og fullmakter 
  2. Valg av møteleder, protokollfører og underskriver av protokollen 
  3. Godkjenne årsregnskap 2022 
  4. Godkjenne årsberetning 2022 
  5. Innkommende saker  
  6. Fastsettelse av godtgjørelse til styret og revisor 
  7. Valg

Oasusdoallit geat ovddastuvvojit fápmoduvvon ovddasteaddji bokte fertejit buktit čálalaš fápmodusa. Priváhta oasusoamasteaddjit bovdejuvvojit ráhkkanančoahkkimii seamma beaivve bie. 09.00. Jahkečoahkkima áššebáhpiriid gávnnat min neahttasiidduin www.senterfornordligefolk.no “min birra” boalu vulde. 

 Aksjonærer som representeres ved fullmektig må fremlegge skriftlig fullmakt. De private andelshaverne inviteres til forberedende møte kl. 09.00 samme dag.  Sakspapirene til årsmøtet er tilgjengelig på våre nettsider www.senterfornordligefolk.no, under knappen “Om oss” fra 5.mai. 

 

Olmmáivággi 04.05.23

Dearvvuođat/Med hilsen  

 Torjer Olsen 

 Stivrrajođiheaddji/Styreleder -sign-  

 Tlf.:  +47 416 38224 

Epost.: torjer.olsen@uit.no  

 

 

Filed Under: Uncategorized @sa

  • Page 1
  • Page 2
  • Page 3
  • Go to Next Page »

Footer

Kontakt / Oktavuohta / Contact

Tlf: 777 17 800

post@nordligefolk.no    

Finn veien

Åpningstider
Mandag – fredag: 10.00-15.00

Følg oss / Follow us
FACEBOOK
INSTAGRAM
YOUTUBE

Ressurser
NORDLIGEFOLK.NO
GAISI.NO

Denne siden bruker informasjonskapsler

Copyright © 2025 · Genesis Sample on Genesis Framework · WordPress · Log in